D'Jugi-Ungerstuefe uf dr Suechi nach äm Samichlous

Äm 6. Dezämber si mir mit Lüchtweschte, Stirn- u Taschelampe usgrüstet i Richtig Höuzli losmarschiert uf dr Suechi nach äm Samichlous. Scho gli hei mir äs Füür u ä Huufe Latärndli gseh brönne. Isch das äch für üs? Itz hei d'Ching die schnäue Bei füregno u si ga luege!

Wo mir so um ds Füür umstöh frage d'Ching, wo äch dr Samichlous sig. Fingt är äch dr Wäg nid i dere dunkle Nacht? D'Ching hein ihm afo rüefe u da isch är gli drufabe cho z'loufe.

Wo het är äch ds Eseli u dr Schmutzli? Dr Esu heig nümme möge z'Grüenematt u drum machi dr Schmutzli mit ihm ä Pouse.

Itz wei d'Ching aber singe u  ihri Värsli ufsäge. Sogar ä Zeichnig überchunnt är. Dr Samichlous het  ou für jedes Ching äs Chlouseseckli. Scho gli mues dr Chlous wieder wyter u so hei mir no chli Zyt für üser Würscht z'brätle u Punsch u Glüehmoscht z'trinke.

Gärn hätte mir de Eutere wöue äs Punsch offeriere aber d'Ching hei so fescht Durscht gha, dass die acht Liter z'Trinke im Umeluege si läär gsi.

Mir wünsche aune ä schöni Wiehnachtszyt u ä guete Rutsch i ds nöie Johr.

Video

Zurück